Культура66

У Гродне ў былым дамініканскім кляштары замест акна зрабілі дзверы — фота

Таварыства аховы помнікаў звярнулася ў пракуратуру.

Мінскае таварыства аховы помнікаў гісторыі і культуры звярнулася ў гродзенскую пракуратуру, каб высветліць, хто дазволіў зрабіць дзверы замест акна ў будынку былога дамініканскага кляштара на вуліцы Савецкай, 6. Пра гэта піша газета «Вячэрні Гродна».

Як растлумачыў старшыня ГА «Беларускае добраахвотнае таварыства аховы помнікаў гісторыі і культуры» Антон Астаповіч, нядаўна на фасадзе замест аўтэнтычнага аконнага праёма з'явілася дзверы. У выніку быў зменены знешні выгляд будынка, які ахоўваецца дзяржавай. Менавіта гэта і прымусіла прадстаўнікоў грамадства звярнуцца ў Генеральную пракуратуру.

«Не наша справа разбірацца, што стала прычынай змены знешняга выгляду будынка, —адзначае Антон Астаповіч. — Мы лічым, што работы выкананы з парушэннем заканадаўства».

Таму ў лісце просяць скласці пратакол аб адміністрацыйных парушэннях, прызнаць працы незаконнымі і прымусіць заказчыка аднавіць аконны праём, які з'яўляецца аўтэнтычным элементам фасада гістарычнага будынка.

Як нам удалося даведацца, ва ўпраўленні архітэктуры і горадабудаўніцтва Гродзенскага гарвыканкама выдаваўся дазвол на правядзенне будаўнічых работ на Савецкай, 6. Для гэтага была атрымана згода Міністэрства культуры.

Па словах Антона Астаповіча, гродзенскі выпадак не з'яўляецца ўнікальным. Мясцовыя ўлады, а таксама супрацоўнікі Міністэрства культуры даволі часта выдаюць дазволы на правядзенне работ у гістарычных будынках, якія наносяць шкоду будынкам і змяняюць іх знешні выгляд. Бывае, што такія работы ўзгадняюцца нават мясцовымі органамі ўлады, што з'яўляецца перавышэннем паўнамоцтваў. Асабліва заўважна гэта ў Мінску, Брэсце, Пінску. Гродна ў гэтым плане пашанцавала больш. Па-першае, сюды яшчэ пакуль не прыйшоў такі аб'ём інвестыцый, як у сталіцу. Па-другое, у Гродне існуе даволі моцная архітэктурная школа, працуюць кваліфікаваныя гісторыкі, архітэктары.

У тэму

Былы дамініканскі манастыр па вул. Савецкай, 6,8 у Гродне з'яўляецца цэласнай гісторыка-культурнай каштоўнасцю 2-й катэгорыі, якая ўнесена ў Дзяржаўны спіс гісторыка-культурных каштоўнасцяў РБ пад шыфрам 412Г000025.

Даведка «ВГ»

Калі ўласнік робіць падобныя працы без адпаведнага дазволу, значыць, ён парушыў арт. 27, пункты 1 і 4 ст. 28 Закона РБ «Аб ахове гісторыка-культурнай спадчыны РБ». Калі ж гэтыя работы выкананы з дазволу Міністэрства культуры, то супрацоўнікамі дадзенага міністэрства парушаныя арт. 33, пункты 2, 3, 5 ст. 43 вышэйназванага закона.

Каментары6

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі1

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка9

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі1

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць