Спектакль па знакамітым творы Святланы Алексіевіч аб катастрофе на ЧАЭС паставіла адна з найлепшых рэжысёраў Польшчы Яна Шчапкоўская.
Аповесць беларускай пісьменніцы складаецца з маналогаў простых грамадзян, якія сталі ахвярамі трагедыі. У пачатку працы з спектаклем яго стваральнікі хацелі пазбегнуць самых драматычных фрагментаў аповесці. Але хутка пераканалася, што нельга такім чынам змяняць жудасны аповед пра тых, хто перажыў катастрофу. Тым не менш,
рэжысёр паставіла ўмову: зрабіць так, каб людзі не выходзілі пасля паказу ў дэпрэсіі. Наадварот — каб разумелі, што ёсць надзея, што чалавек інстынктыўна імкнецца да жыцця і можа справіцца нават апакаліпсісу.
«Я чакаю, што публіка знойдзе ў сабе сілы падумаць аб гэтым. Таму што мне здаецца часам, што мы ператвараемся ў дзяцей: увесь час нешта купляем, забаўляемся, і жыццё становіцца павярхоўнай. Тым часам вакол нас адбываюцца сур’ёзныя рэчы. Варта зрабіць гэты крок перш за ўсё для ахвяр катастрофы. Гэтая тэма павінна быць часткай нашай свядомасці. Ахвяры Чарнобыля існуюць тут і цяпер, ім патрэбныя дапамога і падтрымка», — кажа Яна Шчапкоўская.
«Чарнобыльскую малітву» у варшаўскім тэатры пакажуць у сакавіку шэсць разоў.Твор, які заваяваў сусветную вядомасць і перакладзены на 20 моваў, ставілі на французскай, фінскай і ірландскай сцэнах.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары