Мінпрыроды загадзя нагадвае пра забарону на выпальванне сухой расліннасці
У сувязі з набліжэннем пажаранебяспечнага перыяду Міністэрства прыродных рэсурсаў і аховы навакольнага асяроддзя нагадвае, што ў Беларусі забаронена сельскагаспадарачае выпальванне сухой расліннасці.
«Кожны акт падпалу — гэта злачынства супраць крохкага свету прыроды», — зазначае прыродаахоўнае ведамства. Так, травяныя пажары прыводзяць да прыкметнага зніжэння ўрадлівасці глебы. Пажары, звязаныя з гаспадарчай дзейнасцю чалавека, таксама з`яўляюцца адной з крыніц выкідаў вуглекіслага газу ў атмасферу.
У выніку выпальвання сухой травы збядняецца відавы склад лугавой расліннасці і жывёльнага свету. Вызваленую тэрыторыю займае пустазелле. Гінуць многія насякомыя, некаторыя віды птушак, звяры і паўзуны, гараць і гінуць дрэвы. Да таго ж разам з сухой травой гарыць смецце, якое выдзяляе ў паветра шкодныя рэчывы.
Мінпрыроды нагадвае пра адказнасць за выпальванне сухой расліннасці. У адпаведнасці з артыкулам 15.57 Кодэкса Беларусі аб адміністрацыйных правапарушэннях «за незаконнае выпальванне сухой расліннасці, траў на пні, а таксама іржышчы і пажніўных рэшткаў на палях або непрыманне мер па ліквідацыі выпальванняў» прадугледжаны штраф ад 10 да 40 базавых велічынь (ад 1 да 4 млн. рублёў). У адпаведнасці з артыкулам 15.58 Кодэкса Беларусі аб адміністрацыйных правапарушэннях за распальванне кастроў у забароненых месцах прадугледжана папярэджанне або накладанне штрафу да 12 базавых велічынь (да 1,2 млн. рублёў).
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»33
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары