Іран пачаў распрацоўку двух уранавых руднікоў у горадзе Сагандзе ў цэнтры краіны, а таксама комплексу па вытворчасці уранавага канцэнтрату. Гэтая інфармацыя з'явілася ў аўторак, калі Іран адзначае Дзень нацыянальных ядзерных тэхналогій.
Днямі скончыліся правалам чарговыя перамовы па іранскай ядзернай праграме.
На адкрыцці шахтаў прысутнічаў прэзідэнт краіны Махмуд Ахмадзінежад.
Новае прадпрыемства па вытворчасці уранавага канцэнтрату будзе размешчана ў горадзе Ардакан, якое знаходзіцца за 120 кіламетраў ад радовішчаў. Канцэнтрат з'яўляецца зыходным кампанентам для вытворчасці узбагачанага ўрану.
Тэгеран настойвае, што яго ядзерная праграма пераследуе выключна мірныя мэты, але Захад перакананы, што пад яе прыкрыццем Іран вядзе распрацоўку ядзернай зброі.
Каментары