Урэгуляваць усе спрэчныя пытанні паміж Беларуссю і Еўрасаюзам у адзін момант не ўдасца, але дыялог вельмі важны. Такую думку выказаў журанлістам міністр замежных спраў Латвіі Эдгарс Рынкевічс па выніках перамоў з кіраўніком МЗС Беларусі Уладзімірам Макеем 10 красавіка ў Віцебску.
Паводле слоў Рынкевічса, ён давёў да ведама беларускага боку тое, як Еўрасаюз бачыць некаторыя пытанні. «Тут у нас ёсць яшчэ вельмі шмат пытанняў, над якімі трэба папрацаваць. Гэта бачанне ЕС па некаторых аспектах дэмакратычных правоў і свабод, але разам з тым, што вельмі важна, мы пераходзім да абмеркавання гэтых пытанняў, да дыялогу, і я думаю, ёсць некаторыя пытанні, якія будуць прасоўвацца ў станоўчым рэчышчы. Мы будзем працягваць гэтыя перамовы і далей».
Пры гэтым Рынкевічс падкрэсліў, што такі дыялог і кантакты вельмі важныя не толькі для ўмацавання і развіцця двухбаковых адносінаў, але і для большага разумення паміж Беларуссю і Еўрасаюзам.
«Ці зможам мы ўрэгуляваць усе пытанні за адзін дзень ці гадзіну? Вядома, не. Думаю, што будзе яшчэ шмат рознагалоссяў. Але ў нас ёсць даволі добрыя падставы думаць, што паміж Беларуссю і Еўрасаюзам адкрываецца новая магчымасць, дзе мы можам прасунуцца ў рэчышчы дыялогу», — падкрэсліў кіраўнік МЗС Латвіі.
«Мы ясна давялі пазіцыю беларускага боку адносна супрацоўніцтва з Еўрапейскім саюзам, пачулі пазіцыю калег. Мяркую, што, нягледзячы на тыя праблемы, якія існуюць у нашых адносінах з ЕС, мы не знаходзімся ў тупіку. Ёсць яснае разуменне таго, што мы павінны заўсёды знаходзіць алгарытм дзеянняў, якія дазволяць нам, вырашаючы прынцыповыя праблемы, паступова рухацца па тых кірунках, якія магчымыя», — сказаў ён.У сваю чаргу Макей заявіў, што адносіны Беларусі з ЕС не знаходзяцца ў тупіку.
«Мы таксама дасягнулі пэўнага разумення ў тым плане, якім чынам трэба развіваць наша супрацоўніцтва і ў кантэксце адносінаў з Еўрасаюзам», — дадаў кіраўнік беларускага знешнепалітычнага ведамства.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары