Дзяржапарат будзе скарочаны на 25%, але льготы звольненым пакінуць — указ
Аляксандр Лукашэнка 12 красавіка падпісаў указ №168 «Аб некаторых мерах па аптымізацыі сістэмы дзяржаўных органаў і іншых дзяржаўных арганізацый, а таксама колькасці іх работнікаў». Інфармацыю пра гэта распаўсюдзіла прэс-служба прэзідэнтуры.
Як і меркавалася, дакумент прадугледжвае скарачэнне колькасці работнікаў дзяржаўных органаў і арганізацый «у сярэднім на 25%».
Указ зацвярджае новую тыповую структуру выканкамаў, парадак вызначэння колькасці работнікаў апаратаў канцэрнаў, дзяржаўных устаноў, непасрэдна падпарадкаваных рэспубліканскім органам дзяржкіравання, бюджэтных арганізацый, што фінансуюцца з бюджэтаў абласнога, базавага i нізавога ўзроўняў.
Указ рыхтавалі кіраўнік Адміністрацыі прэзідэнта Андрэй Кабякоў і памочніка прэзідэнта Наталля Пяткевіч.
«Колькасць супрацоўнікаў гарадскіх (гарадоў абласнога падпарадкавання), раённых выканаўчых камітэтаў і мясцовых адміністрацый раёнаў у гарадах, гарадскіх (гарадоў раённага падпарадкавання), сельскіх, пасялковых выканаўчых камітэтаў вызначаецца абласнымі, Мінскім гарадскім выканкамамі ў межах колькасцi работнiкаў, замацаванай у ўказе», — цытуе прэс-службу БелТА.
Прадугледжваюцца і пэўныя захады па сацабароне звольненых. Гэтак, скарочаным дзяржслужачым на перыяд да ўладкавання на новае месца працы, але не больш чым на адзін год з дня звальнення будзе нададзена адтэрміноўка на пагашэнне крэдытаў на будаўніцтва або набыццё жылля, а таксама для аплаты навучання пры атрыманні першай вышэйшай адукацыі іх дзецьмі.
Лечкамісія і іншыя бясплатныя спецпаліклінікі? Звольненыя дзяржслужбоўцы таксама захаваюць да іх доступ — «права на медыцынскае абслугоўванне ва ўстановах аховы здароўя, у якіх яны абслугоўваліся да звальнення».
Указ уступае ў сілу з сённяшняга дня, 12 красавіка 2013 года. Скарачэнні маюць адбыцца да 1.07.2013.
Мяркуецца, што змяншэнне колькасці чыноўнікаў дасць магчымасць павысіць заробкі тым, хто працу захавае.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары