Мужчыны могуць забыцца пра юбілей або купіць падарунак у апошнюю хвіліну, але яны ўсё ж больш рамантычныя, чым жанчыны, высветлілі даследнікі.
Даследнікі прааналізавалі вынікі анлайн-апытанняў больш за 70 тысяч чалавек з розных краін і высветлілі, што тыя, каго прынята лічыць моцным полам, больш схільныя да раптоўных парываў.
Усе апытаныя адказвалі на пытанні сацыёлагаў аб сваіх адносінах. Сярод мужчын 48% заявілі, што закахаліся ў сваіх цяперашніх партнёрак з першага погляду. Пры гэтым сярод жанчын такіх аказалася ўсяго 28%, піша The Daily Mail.
Вынікі даследавання былі апублікаваныя ў кнізе «The Normal Bar», суаўтарамі якой з'яўляюцца амерыканская прадпрымальніца Крысана Нортрап і прафесары Пэпер Шварц з Універсітэта Вашынгтона і Джэймс Вітэ з Універсітэта Джорджа Мэйсана ў штаце Вірджынія.
У рукапісе таксама прыводзяцца і іншыя цікавыя лічбы. Так, аказалася, што нягледзячы на сваю рамантычнасць, мужчыны больш схільныя здраджваць сваім каханым. У наяўнасці раманаў на баку прызналіся 33% мужчын і ўсяго 19% жанчын.
Нягледзячы на гэта, большасць апытаных (74%) заявілі, што шчаслівыя ў адносінах са сваім цяперашнім партнёрам. 66% лічаць, што знайшлі ў каханым чалавеку роднасную душу.
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
-
Яноціха Ясенія, якая нелегальна прыехала з ЗША, знайшла мужа ў Баранавічах
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам1
Каментары