Урад Кыргызстана працягне прыкладаць намаганні для экстрадыцыіэкс-прэзідэнта Курманбека Бакіева і яго брата Жаныша Бакіева, якія атрымалі прыстанішча ў Беларусі, заявіўвіцэ-прэм ’ер Шаміль Атаханаў у інтэрв’ю мясцоваму агенцтву АКИpress.
«Мы гэтую працу будзем абавязкова працягваць, — сказаў ён. — Забойства і масавае забойства — гэта сур’ёзныя абвінавачанні, па якіх дзяржава не мае права пакінуць гэта пытанне і пакласці пад сукно. Мы па пытанні экстрадыцыі арганізоўваем сур’ёзную працу».
Паводле слоў Атаханава, нядаўна Беларусь наведала рабочая група, якая «правяла перамовы, вызначыла першыя этапы развіцця адносінаў». «Раней жа не было наогул магчымасці весці перамовы. Гэтая праца будзе працягвацца», — падкрэсліў
Ён нагадаў, што раней у адказ на адмову беларускага боку ў выдачы Бакіева кыргызстанскае знешнепалітычнае ведамства панізіла ўзровень свайго дыпламатычнага прадстаўніка ў Беларусі да часовага паверанага замест паўнамоцнага пасла.15 мая намеснік міністра замежных спраў Кыргызстана Аскар Бешымаў паведаміў журналістам, што працэс экстрадыцыі Бакіевых «мае пазітыўны рух» і зараз «ідуць перамовы».
Нагадаем, Курманбек Бакіеў з неафіцыйнай жонкай і двума дзецьмі прыехаў у Беларусь паводле асабістага запрашэння Аляксандра Лукашэнкі 19 красавіка 2010 года пасля дзяржаўнага перавароту ў Кыргызстане.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар18
Беларуская і расійская арміі на беларускай тэрыторыі трэніруюцца наносіць ядзерны ўдар
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку33
Каментары