Так пракаментаваў анамальную сітуацыю навуковы супрацоўнік навукова-практычнага цэнтра НАН Беларусі па біярэсурсах Міхаіл Максіменка.
Позняя вясна і паводка паменшылі колькасць кляшчоў, але спрыялі размнажэнню насякомых. У крамах назіраецца павышаны попыт на рэпеленты. У вёсках пакутуюць людзі.
«Калі працягнуцца ападкі, у глебе будзе падтрымлівацца вільгаць, захаваюцца дробныя вадаёмы, то камары і іншыя смокчучыя кроў казуркі стануць развівацца інтэнсіўнаКалі ж не будзе ападкаў, то колькасць насякомых паменшыцца», — спрагназаваў вучоны.
Пры ўкусе камары вылучаюць антыкаагулятны — рэчывы, якія запавольваюць згортванне крыві. «Укусы камароў і макрацоў здольныя выклікаць алергічную рэакцыю ў чалавека. Калі ўкусы досыць шматлікія, можа павысіцца тэмпература, узнікнуць іншыя праблемы са здароўем», — растлумачыў Міхаіл Максіменка,паведамляе БелТА.
Бяда ў тым, што прагноз на бліжэйшыя шэсць дзён несуцяшальны. На дварэ будзе душна, вільготна. Так, у нядзелю ў Мінску чакаецца моцны дождж. Кароткачасовыя дажджы прагназуюцца ў суботу, панядзелак, аўторак і сераду.
Лукашэнка нервова пракаментаваў візіт Ціханоўскай у Кіеў45
Каментары