15 ліпеня раніцай у Міністэрстве культуры Літвы быў вызначаны пераможца конкурсу на скульптуру на Лукішкскай плошчы ў Вільні. Перамагла скульптура «Дух народа».
Эксперты выбралі з 18 пяць работ, якія найлепшым чынам адказвалі б умовам конкурсу і грамадскім інтарэсам. З гэтых пяці работ вылучылі скульптуру «Дух народа», якую і вырашылі ўсталяваць. Аўтары помніка — Відмантас Гілікіс, Віцяніс Ханзел і Рамунэ Шведайце.
«Святло духу народа — птушка душы — так можна назваць ідэю гэтага паэтычнага вобразу,які асэнсоўвае шлях гістарычнага, нацыянальнага, палітычнага і агульначалавечага пошуку. Выражэнне духу, турботы душы — птушка, якая вырываецца з клеткі», — так творцы характарызуюць ідэю.
Помнік будзе выкананы з нержавеючай сталі, металізаванага вугляроднага валакна.
На гандлёвым рынку Лукішкі ў 1864 г. быў павешаны Кастусь Каліноўскі.
Сама плошча была сфармавана ў пачатку ХХ ст. У 1953 г. тут быў пастаўлены помнік Леніну, які ў 1991 г. знеслі.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі10
Каментары