З 49 іх можа застацца толькі 25.
Для максімальнай эфектыўнасці льнозаводы ў Беларусі будуць рэканструяваны ў бліжэйшыя гады. Аб гэтым заявіў прэм’ер-міністр Сяргей Сідорскі на выязной нарадзе па пытаннях развіцця льнянога комплексу рэспублікі, якое прайшло ў Дубровенскім раёне.
У Беларусі налічваецца 49 ільнозаводаў. "Неабходна прыняць меры, каб гэтыя прадпрыемствы сталі працаваць максімальна эфектыўна, — падкрэсліў прэм’ер-міністр. — Ёсць прапановы скараціць іх колькасць да 25, астатнія зрабіць цэхамі або іх філіяламі...".
Бо прадпрыемствы маюць мінусавую рэнтабельнасць на працягу апошніх трох гадоў, адзначыў прэм’ер.
Сяргей Сідорскі даручыў Мінсельгасхарчу і НАН Беларусі ў трохдзённы тэрмін падрыхтаваць прапановы аб магчымасці стварэння сумесных вытворчасцяў па вырабу тэхнікі, неабходнай для льнасеяльных гаспадарак. Таксама будуць прыняты больш жорсткія меры па кантролю за своечасовымі разлікамі за льновалакно.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары