Як паведамілі ва УУС Брэсцкага аблвыканкама, падазраваным аказаўся жыхар Пінска, 1988 года нараджэння. Забойства ён здзейсніў нажом 21 ліпеня каля 13-й гадзіны.
Іншыя акалічнасці не раскрываюцца, пакуль з затрыманым працуюць следчыя.
Нагадаем, труп 26-гадовага Андрэя знайшлі раніцай 30 ліпеня ў лесе каля пляжа ў Пінску. Ён быў прысыпаны зямлёй і закіданы галлём. У яго былі адрэзаныя нага і рука, якія ляжалі побач.
Андрэй знік 21 ліпеня. Апошні раз яго бачылі на плошчы Леніна ў Пінску прыкладна за дзве гадзіны да смерці.
Па інфармацыі УУС Брэсцкага аблвыканкама, забітага раней судзілі за хуліганства і распаўсюджванне наркотыкаў.
Вядома, што Андрэй быў нежанатым, беспрацоўным. Жыў з маці. Яна і паведаміла ў міліцыю пра знікненне.
Крымінальная справа заведзаная за забойства. Пакаранне па гэтым артыкуле прадугледжвае зняволенне ад 6 да 15 гадоў.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна17
Каментары