Гомельскія католікі моляцца аб пасланні дажджу: два тыдні засуха
У час знаходжання ў гомельскім касцёле рэліквій Святой Тэрэзы ад Дзіцятка Ісуса мясцовыя каталікі плануюць маліцца аб пасланні дажджу на Гомельскую вобласць і прасіць заступніцтва ў Святой Тэрэзы.
Ужо каля двух тыдняў Паўднёвы Усход Беларусі перажывае велізірную засуху, доўгі час тэмпература паветра днём перавышала 30 градусаў. Больш за ўсіх ад засухі пакутуюць вяскоўцы: на гародах гінуць расліны, высыхаюць травы, для ўтрымання жывёл неабходны вялікі расход вады. І ў бліжэйшы тыдзень сіноптыкі не прагназуюць дажджоў на Гомельшчыне.
«Засуха гэта факт, які дапускае Госпад. Такія катаклізмы паказваюць, што мы вельмі слабыя, а не трымаем свой лёс ва ўласных руках, не можам нічога змяніць — гэта вучыць чалавека пакоры перад Творцам. Многія людзі жывуць так, як быццам Бога няма, можа быць, для іх гэтая засуха стане часам разумення свайго лёсу, свайго жыцця і таго, што трэба трымацца Госпада і Яго запаветаў», — кажа пробашч.
Каментары