Палітычны аналітык Аляксандр Класкоўскі пра арышт у Мінску Уладзіслава Баўмгертнера.«Вельмі паказальны крок з боку кіраўніцтва Беларусі. Менавіта з боку кіраўніцтва, а не сілавых ведамстваў. Ясна, што рашэнне аб арышце прымалася вышэй за Следчы камітэт.
Вядома, гэта прывядзе да шматлікіх заяваў з расійскага боку. Памятаеце, нават пасля Плошчы, калі былі арыштаваныя расейскія грамадзяне Гапонаў і Брэус, былі дыпламатычныя ноты. Тады беларускі бок адкруціў назад, рэальных турэмных тэрмінаў гэтым хлопцам не далі.
З арыштам Баўмгертнера — маштаб нашмат большы. Для беларускага кіраўніцтва будзе справай гонару не адкручваць справу назад.
Баўмгертнер — пешка ў гульнях вышэйшых асобаў. Зрэшты, усе
Следам за калійнай вайной з Расіяй могуць пачацца нафтавая, энергетычная. У канфлікце Лукашэнка адчувае сябе як рыба ў вадзе. Ён рызыкуе, тым больш, што хутка прэзідэнцкія выбары, а сітуацыя ў эканоміцы не вельмі добрая. Але так было і ў 2010 годзе, калі Лукашэнка рассварыўся перад выбарамі з расійскім кіраўніцтвам. Апазіцыйныя кандыдаты кінуліся ў Маскву, але за тыдзень да выбараў канфлікт быў вычарпаны і Лукашэнка атрымаў падтрымку».
-
Мікола Статкевіч: Палітычны прагноз — не прысуд. Але ён дазваляе падрыхтавацца да скарыстання дадзенага шанцу
-
Навумчык паразважаў, як разгортвалася б гісторыя, калі б Кебіч перамог у 1994‑м
-
«Баяцца, што можа нешта ўзарваць проста з турмы». Севярынец — пра галоўнага беларускага «тэрарыста» Аўтуховіча
Каментары