Інтэрпол прыняў заяўку Беларусі аб абвяшчэнні Сулеймана Керымава ў міжнародны вышук. Аб гэтым паведамляе тэлеканал «Беларусь 1» са спасылкай на МУС Беларусі.
Следчы камітэт абвінавачвае Керымава, саўладальніка «Уралкалія», у злоўжыванні ўладай і службовымі паўнамоцтвамі. Керымаў з’яўляецца абвінавачаным па расследаванай крымінальнай справе ў дачыненні да службовых асоб ЗАТ «Беларуская калійная кампанія». Максімальная санкцыя артыкула прадугледжвае да 10 гадоў пазбаўлення волі з канфіскацыяй маёмасці.
Адвакат Керымава Анатоль Кучэрэна заклікаў Аляксандра Лукашэнку разабрацца ў сітуацыі са сваім падабаронным і заглыбіцца ў гэтую справу.
26 жніўня Мінску быў затрыманы генеральны дырэктар «Уралкалія» Уладзіслаў Баўмгертнер. Яму былі прад’яўленыя тыя ж абвінавачванні, што і Керымаву.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас1
Каментары