Няясна, ці тое праўда, ці то качка, каб яшчэ больш абваліць курс акцый кампаніі, якія Керымаў акурат скупляў.
Кампанія «Уралкалій» у нядзелю адмовілася каментаваць інфармацыю аб магчымым выхадзе мільярдэра Сулеймана Керымава са складу акцыянераў кампаніі.
Раней адвакат Аляксандр Дабравінскі на сваёй старонцы ў Facebook паведаміў са спасылкай на крыніцу, што Керымаў «6 верасня прадаў вялікі пакет акцый (калі не ўсе свае акцыі) у кампаніі «Уралкалій», нейкаму банкіру К.», выказаўшы здагадку, што гэтым банкірам з'яўляецца Уладзімір Коган, былы саўладальнік Прамыслова-будаўнічага банка Санкт -Пецярбурга і намеснік міністра рэгіянальнага развіцця.
«Не каментуем», - паведамілі агенцтву «Прайм» у прэс-службе кампаніі. Як правіла, «Уралкалій» не каментуе дзеянні сваіх акцыянераў.
Прадстаўнікі Керымава і Уладзіміра Когана не былі дасягальныя для каментароў. Дабравінскі, які не звязаны з кампаніяй, апісаў сваю крыніцу як «сур'ёзны інфармацыйны рэсурс, які ніколі не падводзіў». Ён таксама сказаў, што угода «складалася да поўнага задавальнення абодвух бакоў».
«Уралкалій» апынуўся ў цэнтры міжнароднага скандалу пасля таго, як генеральны дырэктар кампаніі Уладзіслаў Баўмгертнер быў затрыманы ў менскім аэрапорце 26 жніўня пасля сустрэчы з прэм'ер-міністрам Беларусі Міхаілам Мясніковічам, а сам Керымаў абвешчаны ў міжнародны вышук. Баўмгертнеру прад'яўленае абвінавачванне ў злоўжыванні ўладай і службовымі паўнамоцтвамі ў рамках крымінальнай справы аб дзейнасці Беларускай калійнай кампаніі.
Месяцам раней, 30 ліпеня, «Уралкалій» абвясціў аб спыненні экспартных продажаў праз Беларускую калійную кампанію.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары