Збілі міліцыянта, скралі службовае аўто і спецабсталяванне
Кармянскім РАСК распачата некалькі спраў у дачыненні да 25-гадовага жыхара Кармянскага раёна і яго стрыечнага брата, 22-гадовага гамяльчаніна.
Яны збілі міліцыянера (арт. 364 КК), абрабавалі яго (ч. 2 арт. 206 УК), укралі аўтамабіль (ч. 2 арт. 214 УК), а таксама выкралі спецабсталяванне (ч. 2 арт. 205 КК).
Як паведаміла БелаПАН афіцыйны прадстаўнік упраўлення Следчага камітэта па Гомельскай вобласці Марыя Крываногава, зламыснікі затрыманыя і знаходзяцца ў СІЗА.
Міліцыянеры, супрацоўнікі Кармянскага РАУС, знаходзіліся на дзяжурстве, калі іх увагу прыцягнуў аўтамабіль «ВАЗ-2103». Неаднаразовыя патрабаванні міліцыі спыніцца, у тым ліку з выкарыстаннем гучнай сувязі, вадзіцель «ВАЗа» праігнараваў.
Пачаўся яго пераслед. У адной з вёсак раёна п'яная кампанія выскачыла з аўтамабіля і кінулася ўцякаць. Міліцыянер дагнаў аднаго з уцекачоў.
Аднак на дапамогу затрыманаму падаспеў яго стрыечны брат, другі ўдзельнік п'янай кампаніі. Ён ударыў міліцыянера. Падчас бойкі браты адкрыта выкралі ў міліцыянера мабільны тэлефон і ліхтарык.
Яны ўцяклі, а затым укралі службовы міліцэйскі аўтамабіль. Адзін з абвінавачваных, які сеў за руль, не справіўся з кіраваннем, аўтамабіль перакуліўся.
Браты выбраліся з аўто і ўцяклі. Яны былі затрыманыя міліцыяй на наступны дзень.
Трэці ўдзельнік п'янай кампаніі быў затрыманы другім міліцыянерам на месцы здарэння, калі спрабаваў уцячы пасля спынення аўтамабіля. Ён будзе прыцягнуты да адміністрацыйнай адказнасці.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары