Лідар гурта «Палац» заклапочаны тым, што ў Беларусі не стае артыстаў размоўнага жанру. Таму паспрабуе сябе ў гэтай ролі ў новым праекце «Сустрэчы дарэчы», які падаецца як «размоўна-музычнае шоу».
Задача ў Хаменкі амбітная — закласці асновы сапраўднага беларускага гумарыстычнага інтэлектуальнага шоу, якое адбываецца тут і цяпер, ужывую. «Ідэя такога праекта звязаная з недахопам канцэртаў і выступаў беларускіх артыстаў размоўнага жанру, — тлумачыць Алег. — Хацелася б згадаць імправізацыйныя адчуванні пры размове, якіх зусім не стае ў будзённым жыцці». Да праекта «Сустрэчы дарэчы» далучыліся таксама вядомыя блогеры і дасведчаныя тэлевізійнікі Алесь Круглякоў і Уладзімір Максімкаў, колішні генпрадзюсар БТ.
«Публічная сяброўская размова — вельмі складаны фармат. Аднак я спадзяюся на вялікі вопыт маіх паплечнікаў і добразычлівы настрой публікі.
Канечне, я буду яшчэ і спяваць, але паспрабую гэта рабіць так, як гэта адбываецца ва ўтульных кампаніях сяброў», — заўважыў Хаменка ў камэнтары Tuzin.fm.
«Сустрэчы дарэчы» адбудзецца 18 лістапада ў рок-бары «Крылы», што ў будынку ДК МТЗ.
Узяць удзел у імпрэзе можа кожны ахвочы ў якасці слухача, а то і актыўнага ўдзельніка.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары