Гурулёў: Расія застаецца прыярытэтным партнёрам Беларусі ў ваенна-тэхнічным супрацоўніцтве
Расія застаецца прыярытэтным стратэгічным партнёрам Беларусі ў сферы ваенна-тэхнічнага супрацоўніцтва. Пра гэта 27 лістапада на прэс-канферэнцыі ў Мінску паведаміў старшыня Дзяржаўнага ваенна-прамысловага камітэта Беларусі Сяргей Гурулёў.
«З Расіяй у нас даўнія сувязі, яшчэ з часоў СССР. Сёння нас звязваюць саюзніцкія адносіны. Мы маем шэраг перспектыўных дакументаў», — зазначыў Сяргей Гурулёў.
Падчас размовы з журналістамі ён паведаміў, што больш як трэць усяго экспарту беларускай абароннай прамысловасці пастаўляецца ў Расію.
Так, Мінскі завод колавых цягачоў пастаўляе суседзям больш за 80% сваёй прадукцыі.
«Прадукцыя нашых прадпрыемстваў у Беларусі патрэбная ў невялікай колькасці. А прадпрыемствы перспектыўныя, развітыя», — падкрэсліў кіраўнік Дзяржкамваенпрама.
Гаворка ідзе пра ААТ «Пеленг», ААТ «Інтэграл» і ААТ «Мінскі завод колавых цягачоў».
Старшыня камітэта дадаў, што ёсць і інтэграцыйныя праекты, і падкрэсліў, што «нам патрэбныя працэсы аб'яднання намаганняў на роўнай аснове», і гаворка ідзе менавіта пра аб'яднанне намаганняў — і фінансава-эканамічных, і навукова-тэхнічных.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі40
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары