25-гадовы чытач з Рэчыцы падпісаў на «НН» ахвочых на снежань. Менавіта з такой прапановай ён звярнуўся праз сваю старонку ЎКантакце
Ігар Міхалеўскі — сталы чытач і падпісчык «Нашай Нівы». Ідэя падпісаць іншых людзей, прычым за ўласны кошт, прыйшла сама сабой:
«Мне захацелася дапамагчы сваім суайчыннікам далучыцца да незалежнай беларускай думкі, да беларускай мовы, падзяліцца вольным паветрам. Я падумаў, што такім чынам змагу спрычыніцца да нашай агульнай справы. Няхай не ўсё з запланаванага атрымалася, але пэўны плён ёсць», — перакананы маладзён.
Праз сваю старонку ў сацыяльнай сетцы ЎКантакце Ігар распаўсюдзіў інфармацыю пра тое, што гатовы падпісаць на снежань 10 чалавек. Адгукнуліся пакуль усяго 6 ахвочых — жыхары Гомеля, Рэчыцы і Менска — галоўным чынам таму, што абвестка атрымала невялікую колькасць рэпостаў.
«Наступным разам буду выкарыстоўваць альтэрнатыўныя спосабы інфармавання», — не засмучаецца Ігар і дадае. — Калі хто мае патрэбу і жаданне, звяртайцеся ў Рэдакцыю «Нашай Нівы» і паведамляйце свае звесткі. Я гатовы гатовы падпісаць 10 чалавек таксама і на студзень».
Паважаныя чытачы і наведнікі сайта!
Запрашаем далучыцца да акцыі «нашаніўскае» салідарнасці! Вакол нас ёсць людзі, якія з розных прычынаў не маюць магчымасці набываць і выпісваць газету ці наведваць сайт. Нямала і тых, што пакуль папросту не ведаюць пра «Нашу Ніву».
Зрабіце падарунак сваім блізкім, сябрам, суседзям і калегам па працы!
На сёння ёсць шмат спосабаў падпіскі і яе аплаты. Да канца года магчыма падпісацца па мінімальным кошце праз Рэдакцыю:
24000 руб. – на месяц;
72000 руб. – на квартал;
144000 руб. – на паўгода.
Падтрымайце ПЕРШУЮ БЕЛАРУСКУЮ ГАЗЕТУ!
Пашырайце вольную беларускую прастору!
Зрабіце свой унёсак у адбудову нашага Агульнага Беларускага Дому!
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
-
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
-
«Спробы стварыць Лукашэнку вобраз «самага чалавечнага чалавека» толькі падкрэсліваюць крайнюю нялюдскасць сістэмы»
Каментары