Здарэнні11

Выбух на палігоне ўвосень адбыўся з-за памылкі выкладчыка, ён загінуў па сваёй віне

Следчым камітэтам Беларусі завершана расследаванне крымінальнай справы па факце выбуху на вайсковым палігоне Ваеннай акадэміі, у выніку чаго загінуў выкладчык і былі траўмаваныя курсанты навучальнай установы.

13 верасня 2013 года на вайсковым стрэльбішчы пры правядзенні планавых вучэбных заняткаў па інжынернай падрыхтоўцы з курсантамі Ваеннай акадэміі ў сувязі з дачаснай дэтанацыяй вогнеправоднага шнура здарыўся выбух тратылавых шашак. З-за гэтага выкладчык атрымаў траўмы, несумяшчальныя з жыццём, пяцёра курсантаў трапілі ў бальніцу.

Следчы камітэт распачаў крымінальную справу па ч. 2 арт. 463 КК (парушэнне правілаў абыходжання са зброяй, матэрыяламі, рэчывамі і прадметамі, якія ўяўляюць павышаную небяспеку для навакольных, у выніку чаго мела месца па неасцярожнасці смерць чалавека). Загінулы падпалкоўнік Барыс Лістапад меў 20-гадовы вопыт працы з выбухованебяспечнымі матэрыяламі.

Паводле інфармацыі СК, прычынай выбуху з'явілася грубае парушэнне правілаў абыходжання з выбуховымі рэчывамі, дапушчанае выкладчыкам. Падчас правядзення планавых заняткаў з курсантамі па дысцыпліне «Падрыўная падрыхтоўка» выкладчык размясціў выбуховыя рэчывы і сродкі ўзрывання ў непасрэднай блізкасці адзін ад аднаго ў месцы знаходжання вайскоўцаў.

Падчас дэманстрацыі гарэння вогнеправоднага шнура здарыўся выкід іскраў, з-за чаго падарваліся тратылавыя шашкі.

Гэтыя высновы заснаваныя на комплексе доказаў, атрыманых у працэсе расследавання крымінальнай справы. У ліку якіх вынікі двух складаных выбуховатэхнічных і шасці судова-медыцынскіх экспертыз, шэраг следчых эксперыментаў і праверак паказанняў на месцы.

Дзеянні выкладчыка кваліфікаваныя следствам па ч. 2 арт. 463 КК. У сувязі з гібеллю апошняга папярэдняе следства спыненае.

Пацярпелыя курсанты выпісаныя з лячэбных устаноў і працягваюць вучобу ў Ваеннай акадэміі.

Каментары1

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі5

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця4

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі5

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць