Суд Фрунзенскага раёна Мінска адмовіў «Еўрагандлю» ў задавальненні пазову аб абароне дзелавой рэпутацыі. Такое рашэнне абвясціла 21 студзеня суддзя Юлія Блізнюк.
«Кіруючыся артыкуламі 298 і 306 Грамадзянскага працэсуальнага кодэкса Беларусі, суд вырашыў: ТАА «Еўрагандаль» у задавальненні пазоўных патрабаванняў аб абароне дзелавой рэпутацыі адмовіць», — сказала яна.
Суд пастанавіў спагнаць з ТАА «Еўрагандаль» на карысць старшыні Мінскага сталічнага саюза прадпрымальнікаў і работадаўцаў Уладзіміра Карагіна 12,5 млн. рублёў для кампенсацыі расходаў за аказанне юрыдычнай дапамогі.
Суддзя паведаміла, што прынятае рашэнне можа быць абскарджана ў вышэйшай інстанцыі на працягу 10 дзён.
Першае пасяджэнне па гэтай справе адбылося 10 студзеня. ТАА «Еўрагандаль» (гандлёвая марка «Еўраопт») патрабавала ад Карагіна абвергнуць выказванні, якія былі зроблены ім 24 чэрвеня падчас пасяджэння круглага стала па праблеме рэйдарскіх захопаў прадпрыемстваў.
Апрача Карагіна суадказчыкамі па гэтай справе прыцягваліся былы дырэктар універсама «Талін» Віктар Янушкоў, яго дарадчык Аляксандр Паўлаў, ТАА «ТУТ БАЙ Медыя», ТДА «Інтэр-Сміт», а таксама журналісты Дзмітрый Заяц і Сяргей Сацук.
Анжаліку Мельнікаву бачылі ў Мінску ў «Дана Моле»53
Каментары