Афіцыйны вяшчальнік Алімпіяды ў нашай краіне — Белтэлерадыёкампанія — пакажа прамую трансляцыю Адкрыцця XXII Алімпійскіх гульняў у Сочы. Урачыстая цырымонія пачнецца 7 лютага ў 19.10 на «Беларусь-1».
Цырымонія будзе доўжыцца каля трох гадзін. Поўны расклад шоу трымаецца ў сакрэце, але вядома, што яно будзе падзелена на дзевяць частак, якія апавядаюць пра розныя перыяды расійскай эпохі.
Таксама вядома, што на адкрыцці выступіць расійскі поп-гурт «Тату». Імёны іншых удзельнікаў трымаюцца ў сакрэце, паведамляе By.tribuna.com. Пакуль невядома, хто запаліць алімпійскі агонь,
Першыя камплекты медалёў будуць разыграныя ў суботу.
Паказваць Алімпіяду будуць у асноўным тэлеканалы «Беларусь-2» і «Беларусь-5».
Так у суботу на «Беларусь-2» трансляцыі пачнуцца ў 12:50 паказам спаборніцтваў па лыжных гонках. У 17:20 пачнецца трансляцыя мужчынскага спрынту ў біятлоне.
Амаль увесь эфір «Беларусь-5» будзе аддадзены Алімпіядзе.
У суботу першая прамая трансляцыя ў 10:20 (слоўп-стайл — від фрыстайлу). Таксама «Беларусь-5» пакажа ў суботу спаборніцтвы па канькабежным спорце, а таксама фігурнае катанне.
У нядзелю, 9 лютага, магчыма беларусы заваююць першы медаль Гульняў-2014. У 17:30 — жаночы спрынт.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары