Экс-кіраўнік адміністрацыі прэзідэнта Расіі, а цяпер старшыня рады дырэктараў «Уралкалія» Аляксандр Валошын у красавіку пакіне кампанію, піша газета «Ведомості».
На 4 красавіка прызначаны пазачарговы сход акцыянераў «Уралкалія», на якім будзе пераабраная рада дырэктараў. Але Валошын у спіс кандыдатаў уключаны не будзе, расказалі выданню дзве крыніцы, блізкія да розных акцыянераў кампаніі, а таксама знаёмы Валошына. «Уралхім» намінаваць Валошына не будзе, кажа адзін з суразмоўцаў газеты. «Онэксім» — з высокай доляй верагоднасці — гэтага таксама не зробіць, дадае іншы. У Валошына іншыя планы, падкрэслівае трэці суразмоўца. Прадстаўнікі «Онэксіма», «Уралхіма» ад каментароў адмовіліся. Атрымаць каментар Валошына не ўдалося.
Валошын узначальвае раду з верасня 2010 года.
Туды яго запрасіў былы асноўны ўладальнік кампаніі Сулейман Керымаў праз тры месяцы пасля таго, як з партнёрамі (Аляксандрам Несісам і Філарэтам Гальчавым) купіў у Дзмітрыя Рыбалоўлева кантрольны пакет «Уралкалія».
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары