У расійскіх сацсетках збіраюць атрады «турыстаў» ва Украіну, куды просяць ехаць мужчын ад 18 да 45 гадоў з досведам службы ў войску.
З такімі заклікамі выступаюць шматлікія групы ў сетцы «Вконтакте».
У сацсетках заклікаюць расійскіх мужчын ехаць у Крым, Данецк і Харкаў, як важнейшыя «пункты супраціву».
«Чым больш нас, «рускіх турыстаў», зараз будзе знаходзіцца на тэрыторыі гэтай сумежнай дзяржавы, тым больш будзе афіцыйных абгрунтаванняў у кіраўніцтва нашай дзяржавы ўжываць неабходныя дзеянні па абароне сваіх грамадзян за мяжой», - гаворыцца ў адным з заклікаў.
«Зараз у Крыме вырашаецца лёс усяго рускага народа і лёс усёй нашай Вялікай Расіі», - тлумачаць арганізатары «турызму».
Каментары