Віктар Януковіч-малодшы выказаў сваю салідарнасць з бацькам, былым прэзідэнтам Украіны Віктарам Януковічам, зварот змешчаны на яго старонцы ў фэйсбуку.
«Дарагія сябры! Шчыра ўдзячны ўсім Вам за Вашу падтрымку! Хачу звярнуцца да тых грамадзянаў, якія, нягледзячы ні на што застаюцца сапраўднымі патрыётамі Украіны і да тых байцоў, якія прысягалі народу і забяспечвалі парадак у краіне, і засталіся адданымі сынамі сваёй Айчыны, — піша ён. — Усе Вы на свае вочы бачыце, што ва Украіне адбыўся ўзброены дзяржаўны пераварот І ў гэтым ні ў каго ўжо няма сумневаў. І праходзіў ён па прадуманаму і падрыхтаванаму замежнаму сцэнару. Яскравым прыкладам з'яўляюцца, як у нядаўнім мінулым — Югаславія так і Сірыя».
«Адбылася элементарная інтэрвенцыя Украіны іншымі дзяржавамі рукамі прафашысцкіх спецыяльна навучаных радыкальна настроеных аб'яднанняў па прынцыпе: чым горш — тым лепш», — мяркуе ён.
«У краіне сфарміраваны ўрад самазванцаў, абвешчаных баевікамі. І ў якім дэмакратычнай дзяржаве Вы яшчэ бачылі, што ў руках аднаго чалавека — спікера ВР Украіны сканцэнтравана некалькі галін улады? Але і акрамя ўсяго, яшчэ і самаабвешчанага прэзідэнтам, насуперак усім законам Украіны і Канстытуцыі ў першую чаргу».
«Я згодны з тым, што кіраваць дзяржавай вельмі нялёгкая праца, паколькі велізарную ролю ў гэтым адыгрывае чалавечы фактар. Але не памыляецца толькі той, хто нічога не робіць!», — лічыць ён.
Віктар Януковіч — малодшы сын былога прэзідэнта Украіны (ёсць старэйшы — алігарх Аляксандр Януковіч), нар. у 1981 г., дэпутат Вярхоўнай Рады Украіны, з лістапада 2013 г. — прэзідэнт Украінскай аўтамабільнай федэрацыі, майстр спорту ў катэгорыі «аўтаспорт».
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары