Кіраўнік Аб'яднання іудзейскіх рэлігійных арганізацый Украіны Якаў Доў Блайх, які сустракаўся з дзяржсакратаром ЗША падчас яго візіту ў Кіеў, заявіў, што Джону Кэры гэтая ідэя прыйшлася даспадобы. Пра гэта ён расказаў сайту Gordonua.com.
«У мяне ёсць ідэя не адмяняць цалкам саміт G7, які планаваўся на чэрвень у Сочы, а правесці яго ў Кіеве. Калі лідары не едуць у Сочы, то яны павінны паказаць падтрымку Украіны і прыехаць у Кіеў. Учора на сустрэчы з Джонам Кэры я яму гэта агучыў. Яму гэтая ідэя вельмі спадабалася, я гэта дакладна ўбачыў! Гэта вельмі добрая ідэя, і вы думаеце наперад!», — распавёў рабін.
«Я ўжо размаўляў з гэтай нагоды з канадцамі, французамі, буду гаварыць з немцамі.Таксама ўжо пагаварыў з Сусветнай радай украінцаў і Сусветным украінскім кангрэсавым камітэтам у Амерыцы. Калі ў такой прапановы будзе шырокая міжнародная падтрымка, а галоўнае, падтрымка ўнутры самой Украіны, то мы зможам яго правесці», — перакананы Якаў Доў Блайх.
Раней Блайх абверг заявы Пуціна пра тое, што да ўлады ва Украіне прыйшлі антысеміцкія сілы і заўважыў, што першы акт вандалізму з антысеміцкім зместам у Крыме адбыўся пасля таго, як паўвостраў занялі расійскія войскі.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым3
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары