У Данецку гэтай ноччу арыштавалі самаабвешчанага прарасійскага «губернатара» Паўла Губарава. Пра гэта паведамілі тэлеканалу ТСН паведамілі крыніцы ў праваахоўных органах.
Акрамя таго, праваахоўнікі вывелі 70 штурмавікоў з будынку абласной адміністрацыі, над ёй зноў лунае нацыянальны сцяг Украіны. Усе яны затрыманыя.
Расейскія трыкалоры знялі і з галоўнай плошчы абласнога цэнтра.
Губараў і ягоныя паплечнікі пад расійскімі сцягамі выступалі за аддзяленне Данбаса ад Украіны.
Учора на прарасейскі мітынг у Данецку выйшла каля 2 тысяч чалавек, частка з іх прарвалася ў будынак абласной адміністрацыі. Альтэрнатыўны мітынг за адзінства Украіны сабраў 10 тысяч чалавек. Між удзельнікамі мітынгаў адбыліся сутычкі.
Каментары