Сусветная арганізацыя аховы здароўя (СААЗ) абвясціла аб правядзенні грамадскіх кансультацый па праекце рэкамендацый аб абмежаванні спажывання цукру.
Эксперты прапануюць знізіць сутачную норму ўдвая.
Каментарамі ў сувязі з праектам можа падзяліцца любы ахвочы на вэб-сайце СААЗ з 5 па 31 сакавіка 2014 года. Пасля канчатковай дапрацоўкі краіны атрымаюць рэкамендацыі па абмежаванні спажывання цукру ў мэтах памяншэння праблем са здароўем насельніцтва, такіх як атлусценне і зубны карыес.
Паводле новых рэкамендацый, сутачная норма цукру — да 5% ад агульнай колькасці спажываных калорый.
Гэта прыблізна 25 г, ці шэсць чайных лыжак у дзень для дарослага чалавека з нармальным індэксам масы цела (ІМТ).
У адпаведнасці з дзейнымі ў цяперашні час рэкамендацыямі СААЗ 2002 года, спажыванне цукру павіннае быць на ўзроўні менш за 10% ад агульнай колькасці штодня спажываных калорый.
Пры гэтым спецыялісты адзначаюць, што значная частка ўсіх тыпаў цукроў, спажываных у цяперашні час, «схаваная» ў перапрацаваных прадуктах, якія нават не лічацца салодкімі.
Да прыкладу, адна сталовая лыжка кетчупу змяшчае каля 4 г (прыкладна адну чайную лыжку) цукру. Адна банка салодкай газаванай вады змяшчае да 40 г (прыкладна 10 чайных лыжак) цукру.
Рэкамендацыі СААЗ распаўсюджваюцца не толькі на цукар, дадаваны ў прадукты, але і на той, які змяшчаецца ў мёдзе, сіропах, соках і фруктовых канцэнтратах.
Як заяўляюць спецыялісты арганізацыі, цукар стаў асноўным вінаватым у карыесе і глабальнай эпідэміі атлусцення, якая закранула да паўмільярда чалавек ва ўсім свеце і працягвае расці, асабліва ў краінах, якія развіваюцца.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары