Украінскі мільярдэр, прэзідэнт холдынгу СКМ Рынат Ахметаў катэгарычна выступіў супраць расколу Украіны і заклікаў Расію вырашыць канфлікт дыпламатычным шляхам.
Пра гэта 6 сакавіка ён заявіў у каментары журналістам у Данецку, паведамляе «Дзеркало тижня».
«Украіна перажывае зараз няпросты час. Мы павінны перажыць яго і стаць мацней. Я за моцную, незалежную і цэласную Украіну», — сказаў Ахметаў.
Ён падкрэсьліў, што прарасейскія настроі ў некаторых рэгіёнах не даюць падставы казаць пра раскол краіны:
«Усход Украіны — гэта таксама Украіна. Прамысловы рэгіён, жыхары якога хочуць жыць годна, як і кожны украінец. Усё павінна вырашыцца мірным, дыпламатычным шляхам. Расія — наш сябар, наш стратэгічны партнёр», — адзначыў Ахметаў.
Разам з тым ён лічыць, што Расія павінна праяўляць больш павагі да суверэнітэту Украіны:
«Мы паважаем Расію, паважаем братэрскі расійскі народ. Але гэта павінна быць вуліца з двухбаковым рухам. Мы заслугоўваем адпаведнай павагі», — падсумаваў Ахметаў.
Каментары