25 сакавіка 1918 года была абвешчана незалежнасць Беларускай Народнай Рэспублікі. Першы раз у новай гісторыі наш народ заявіў тады пра сваё права.
Імперыя — калос на гліняных нагах. 100 гадоў таму, за 4 месяцы да пачатку Першай сусветнай вайны, хто мог падумаць, што каласальная Расія — ад Хельсінкі да Карса — праз 4 гады будзе ў развале?
І цяпер, калі ў паветры запахла новай вайной, Беларусь павінна памятаць страшныя ўрокі ХХ стагоддзя. Калі Беларусь пастановіць, яна збудуе свой еўрапейскі дом. Такі, які ў ХІХ стагоддзі ўзвялі фіны, эстонцы, чэхі…
Цяжка было пачаць. А далей — цаглінка за цаглінкай.
* * *
У сучаснай Беларусі дэмакратычная грамадскасць традыцыйна ладзіць у гэты дзень шэсце і мітынг.
25 сакавіка, у аўторак, збор удзельнікаў акцыі пачнецца а 18.00 каля кінатэатра «Кастрычнік» (станцыя метро «Акадэмія навук»), затым адбудзецца шэсце па праспекце Незалежнасці і вуліцы Сурганава да парку Дружбы Народаў, дзе з 19.30 да 20.00 павінен прайсці мітынг. Арганізатары заклікалі прыносіць украінскія сцягі, у знак салідарнасці з братнім народам.
У Вільні на 25 сакавіка запланаваныя тры ўрачыстасці.
З 12:00 да 12:30 адбудзецца ўскладанне кветак падпісантам Акта Незалежнасці Беларускай Народнай Рэспублікі 25 сакавіка 1918 года на могілках Росы.
У Сойме Літоўскай Рэспублікі адбудзецца дыскусія «Дзень Волі ў Беларусі. Цяперашняя сітуацыя, чаканне перспектывы». Час і месца: 14:00 – 16:00, Сойм Літоўскай Рэспублікі (Gedimino pr. 53), зала для прэс-канферэнцый.
Вечарам — святочны канцэрт Паліны Рэспублікі і выступ студэнтаў ЕГУ у межах праекта «Belarusian Dream Theatre». Час і месца: 18:30 – 20:00, Užupio kavinė (Užupio g. 2).
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары