Прыватны «Тэатр Ч» пачаў сваю дзейнасць вясной мінулага года.
Тады літоўскі рэжысёр Рамуне Кудзманайтэ паставіла ў Мінску «Дзяды» – культавую паэму Адама Міцкевіча. Цяпер
стала вядома пра наступны праект «Тэатра Ч». Гэта спектакль «Смутак Сатаны» паводле містычнага рамана англійскай пісьменніцы Марыі Карэлі. Спецыяльна для пастаноўкі яго пераклалі на беларускую мову.
Твор, напісаны ў 1895 годзе, расказвае пра таленавітага пісьменніка Джэфры Тэмпесте, які жыве ў галечы. Багаты князь-філантроп уводзіць творцу ў вышэйшыя колы і дае шмат грошай. Пісьменнік становіцца багатым снобам, але так і не атрымлівае літаратурнага прызнання. А калі спрабуе апамятацца, ужо позна.
Ставіць «Смутак Сатаны» будзе Рамуне Кудзманайтэ.
На яе думку, у творы Карэлі ідзе гаворка пра вечныя каштоўнасці, якія ў наш час губляюць значнасць. «Рэлігія сыходзіць з нашага жыцця. Людзі ўжо не слухаюць запаветы», – кажа Кудзманайце. Але яна
падкрэслівае, што пастаноўка будзе не пра Літву, не пра Расію, а пра Беларусь. «Калі б я ставіла «Смутак Сатаны» ў Літве, рабіла б гэта па-іншаму».
Да ўдзелу ў пастаноўцы плануюць запрасіць тых жа акцёраў, якія ўдзельнічалі ў «Дзядах». Сярод іх былі купалаўцы Раман Падаляка, Аляксандр Малчанаў, Святлана Анікей, Зоя Белахвосцік, а таксама іх калегі з іншых тэатраў.
Некалькі выканаўцаў былі адабраныя праз кастынг.
У сацыяльных сетках тэатр запрашаў да ўдзелу «акцёраў: дзяўчат мадэльнай знешнасці, мужчын атлетычнага целаскладу ва ўзросце ад 30 да 50 гадоў, а таксама жанчын і мужчын ва ўзросце ад 55 гадоў».
Прэм’ера спектакля папярэдне запланавана на восень 2014 года.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Мінск сёння вечарам пагрузіўся ў цемру. Пасля загаду Лукашэнкі40
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары