1 красавіка ў сярэднім на 18% павышаецца кошт праезду на прыгарадных аўтобусах.
Аб гэтым гаворыцца ў рашэнні Мінгарвыканкама № 659 ад 25 сакавіка, апублікаваным на Нацыянальным прававым інтэрнэт-партале.
Тарыфы на праезд у аўтобусах агульнага тыпу на звычайных маршрутах устаноўлены ў памеры 488 рублёў за 1 км, з мяккімі адкіднымі сядзеннямі — 504 рублёў за 1 км.
На хуткасных маршрутах у аўтобусах агульнага тыпу тарыфы павышаныя да 634 рублёў за 1 км, з мяккімі адкіднымі сядзеннямі — да 656 рублёў за 1 км, на дадатковых маршрутах у аўтобусах агульнага тыпу — да 658 рублёў за 1 км, з мяккімі адкіднымі сядзеннямі — да 680 рублёў за 1 км, на экспрэсных маршрутах — да 732 і 756 рублёў адпаведна.
Тарыфы за 1 км для багажу ў аўтобусах прыгарадных маршрутаў складуць: для маламернага — 40 рублёў, сярэднямернага — 80 рублёў, буйнамернага — 160 рублёў.
Папярэдні раз тарыфы павышаліся з 1 снежня 2013 года на 20%.
Таксама 1 красавіка ў сярэднім на 30% будуць павышаныя тарыфы на перавозкі пасажыраў і багажу чыгуначным транспартам.
Пастанова аб гэтым зацверджаная Міністэрствам эканомікі і апублікаваная на Нацыянальным прававым інтэрнэт-партале.
Тарыф на праезд на рэгіянальных лініях эканамкласа падаражэе да 1.200 рублёў за адну зону праезду і да 120 рублёў за 1 км праезду.
Кошт паездкі на цягніках гарадскіх ліній узрасце да 6.600 рублёў пры перавозцы пасажыраў у межах аднаго тарыфнага пояса, да 7.800 рублёў пры перавозцы пасажыраў у межах двух тарыфных паясоў, да 11.400 рублёў у межах трох і да 15.600 рублёў у межах чатырох тарыфных паясоў.
На 33% падаражэў кошт праезду пасажыраў цягнікамі на рэгіянальных лініях бізнес-класа ў залежнасці ад адлегласці і тыпу рухомага складу.
Таксама павялічаныя тарыфы на перавозку багажу на гарадскіх, рэгіянальных і міжрэгіянальных лініях.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве45
Каментары