У Казахстане затрымалі святара, які крытыкаваў РПЦ. Яму інкрымінуюць захоўванне і ўжыванне наркотыкаў
У ноч на 13 лютага ў Алматы супрацоўнікі праваахоўных органаў Казахстана затрымалі былога іераманаха Астанайскай і Алмацінскай епархіі РПЦ Іакава (Уладзіміра) Варанцова. Пра гэта «Агенцтву» паведаміў яго адвакат Галым Нурпеісаў.
Зараз з Варанцовым «праводзяцца працэдуры дасудовага следства», удакладніла выданне.
У Дэпартаменце паліцыі Алматы расказалі, што ў святара знайшлі «парашкападобныя рэчывы», а сам Варанцоў ужываў наркотыкі. Па словах Нурпеісава, яму інкрымінуюць немедыцынскае спажыванне наркатычных сродкаў.
Варанцоў нарадзіўся ў Казахстане і да 2023 года служыў у Рускай праваслаўнай царкве ў Казахстане. Ён выступіў з крытыкай паўнамаштабнага ўварвання ва Украіну, пасля чаго яго пазбавілі сану.
Пасля гэтага Варанцоў паведаміў, што збіраецца стварыць у Казахстане незалежную ад РПЦ праваслаўную царкву, аднак мясцовыя ўлады адмовіліся рэгістраваць прыход.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары