Спецрота падраздзялення «Беркут» адкрыла стральбу па пратэстоўцах у цэнтры Кіева 20 лютага, заявіў міністр унутраных спраў Украіны Арсен Авакаў.
Паводле яго слоў, ранейшае кіраўніцтва МУС знішчала вопратку і дакументы і спрабавала ліквідаваць зброю, якая выкарыстоўвалася спецротай «Беркута».
Міністр таксама паведаміў, што міліцыя высветліла асобы ўсіх падазраваных у стральбе на вуліцы Інстытуцкай у разгар пратэстаў у Кіеве.
«У стральбе на вуліцы Інстытуцкай з боку Кастрычніцкага палаца … загінулі па нашых падліках 17 чалавек», — адзначыў Авакаў.
Ён дадаў, што на Інстытуцкай з боку Кастрычніцкага працавала спецрота «Беркута» з жоўтымі павязкамі на рукавах пад кіраўніцтвам маёра Дзмітрыя Садоўніка.
«Намі ўстаноўлены ўсе асобы, якія прымалі ўдзел у гэтай аперацыі. Ступень датычнасьці яго і кожнага з байцоў спецроты усталёўваецца», - падкрэсліў міністр.
Раней у чацвер в.а. генпракурора Украіны Алег Махницкий паведаміў, што некалькі супрацоўнікаў спецпадраздзялення «Беркут» затрыманыя па падазрэнні ў расстрэле людзей на Інстытуцкай.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы69
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары