Пачынаючы з 7 красавіка 2014 г. банкі Беларусі могуць адмовіць кліентам у некаторых відах крэдытаў, пры адсутнасцi ў iх даведкі аб даходах, паведамляе Myfin.by.
«Пакуль дакумент не прайшоў афіцыйную працэдуру рэгістрацыі ў Мінюсце — гэта праект дакумента, таму пра яго канкрэтны змест і пра тэрміны ўступлення яго ў дзеянне, казаць заўчасна», — адзначылі ва ўпраўленні інфармацыі і грамадскіх сувязяў Нацыянальнага банка.
Паводле інфармацыі аднаго з банкаў, які спецыялізуецца на экспрэс-крэдытах, у самы бліжэйшы час беларускія банкі развітаюцца з крэдытамі без даведак аб даходах. Да канца гэтага тыдня крэдытныя прадукты будуць выдавацца на ранейшых умовах. З панядзелка, 7 красавіка, кліенты некаторых банкаў, якія прэтэндуюць на атрыманне крэдыту, будуць абавязаны мець пры сабе дакумент, які пацвярджае ўзровень зарабку.
«Сапраўды быў ліст Нацыянальнага банка і Асацыяцыі беларускіх банкаў аб тым, што рыхтуецца такога кшталту мера, і згадвалася дата перадачы дакумента ў Міністэрства юстыцыі — 6 сакавіка», — паведамляе кіраўнік аднаго з банкаў. Калі тэрмін зацвярджэння падобных дакументаў звычайна не перавышае аднаго месяца, то варта чакаць, што з 7 красавіка многія банкі Беларусі перастануць выдаваць крэдыты насельніцтву без даведкі аб даходах.
Аднак дакладнай даты, калі ад слоў пяройдуць да справы, пакуль няма. У прынцыпе праект дакумента могуць вярнуць Нацыянальнаму Банку для дапрацоўкі. У такім выпадку тэрміны ўступлення ў законную сілу могуць быць адкладзеныя на больш доўгі тэрмін.
Хутчэй за ўсё, ад новаўвядзенняў пацерпяць невялікія фінансавыя структуры, якія выдаюць «хуткія » крэдыты прама ў гандлёвых кропках для набыцця бытавой тэхнікі.
Чуткі пра тое, што банкі перастануць выдаваць крэдыты без даведкі аб даходах, з'явіліся яшчэ ў лютым. Тады банкіры казалі, што ў Нацбанку абмяркоўваюць увядзенне такой меры як абавязковай. Між тым, у Нацбанку тады падкрэслівалі, што рэкамендацый аб узмацненні жорсткасці патрабаванняў да выдачы камерцыйнымі банкамі крэдытаў фізічным асобам не давалі. Але не выключылі, што ў далейшым рэгулятар можа прымаць рашэнні аб умовах крэдытавання фізічных асоб, арыентуючыся на сітуацыю на валютна-фінансавым рынку краіны.
Цяпер чытаюць
Лукашэнка нервова пракаментаваў візіт Ціханоўскай у Кіеў45
Каментары