Галоўным пытаннем для Беларусі застаецца магчымасць купляць нафту па ўнутрырасійскім цэнам.
Прэм'ер-міністры Беларусі, Расіі і Казахстана сустракаліся сёння ў Маскве. «Мы прасунуліся практычна па ўсіх пытаннях, — сказаў расійскі прэм'ер Дзмітрый Мядзведзеў. — Гэта тычыцца і нафты, і нафтапрадуктаў, і газу, і транспарту, уключаючы перавозкі, і сельскай гаспадаркі. Мы гэтыя пазіцыі зблізілі», — аптымістычна заявіў ён.
Але са словаў прэм'ер-міністра Беларусі Міхаіла Мясніковіча можна зразумець, што канчатковай згоды няма і Казахстан з Беларуссю будуць чакаць шчодрага жэста ад Пуціна.
Беларусь хоча магчымасці атрымліваць нафту і газ па ўнутрырасійскіх, заніжаных цэнах. А Казахстан хоча поўнага доступу да расійскіх трубаправодаў.
Асноўны прынцып дамовы аб Еўразійскім эканамічным саюзе — супольны рынак без выключэнняў і абмежаванняў, нагадаў Мясніковіч.
Сустрэча прэзідэнтаў мае адбыцца 29 красавіка ў Мінску.
Пуцін хоча падпісаць дамову аб Еўразійскім эканамічным саюзе ў трэцяй дэкадзе мая. У выпадку калі гэта станецца, прывязка Беларусі да Расіі яшчэ ўзмацніцца.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары