Нямецкі таблоід: Пуцін не на жарт захапіўся Шэран Стоўн, закідвае яе СМС-камі
Прэзідэнт Расіі Уладзімір Пуцін ужо не першы месяц шле палкія тэкставыя паведамленні на тэлефонны нумар знакамітай галівудскай кінадзівы Шэрон Стоўн, якая праславілася роляй у культавым эратычным трылеры «Асноўны інстынкт» [і магчыма, будзе здымацца ў беларускім блакбастэры «Авель» — НН], - піша найбуйнейшая нямецкая газета Bild са спасылкай на неназваную сяброўку актрысы.
Па словах крыніцы, увагу кіраўніка расійскай дзяржавы цешыць самалюбства 56-гадовай зоркі, аднак яна не лічыць яго «асабліва сэксуальным».
Шэран Стоўн і Уладзімір Пуцін сустракаліся асабіста 10 снежня 2010 на скандальна вядомым дабрачынным вечары, прысвечаным збору грошай на патрэбы дзяцей з анкалагічнымі захворваннямі. У мерапрыемстве ўдзельнічалі высокапастаўленыя чыноўнікі і запрошаныя знакамітасці, у тым ліку Жэрар Дэпардзьё, Мікі Рурк і Шэрон Стоўн.
Уладзімір Пуцін, які займаў у гэты час пасаду прэм'ер-міністра, выйшаў на сцэну і праспяваў папулярную амерыканскую песню Blueberry Hill, а таксама найграў мелодыю «З чаго пачынаецца радзіма». Запіс яго выступу імгненна трапіў у топ на YouTube.
Нагадаем, у чэрвені мінулага года прэзідэнт Расіі публічна паведаміў пра тое, што яго шлюб з Людмілай Пуцінай распаўся. У красавіку стала вядома, што адбыўся афіцыйны развод.
Раней Пуціну ўжо прыпісвалі нейкія раманы, якія да гэтага часу не атрымалі пацверджання.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары