Расія павінна прымусіць свае нерэгулярныя войскі ва ўсходняй Украіне скласці зброю і пакінуць захопленыя будынкі. Калі гэтага не адбудзецца ў бліжэйшы час — ЕС і ЗША гатовыя прыняць далейшыя меры ў дачыненні да Расіі.
Пра гэта ішла гаворка ў тэлефоннай размове прэзідэнта ЗША Барака Абамы і канцлера Германіі Ангелы Меркель, паведамляе офіс прэс-сакратара Белага дома.
Прэзідэнт ЗША Барак Абама і канцлер Нямеччыны Ангела Меркель абмеркавалі з глыбокай занепакоенасцю сітуацыю ва ўсходняй Украіне», — гаворыцца ў паведамленні.
«Прэзідэнт ЗША выказаў падзяку ўраду Украіны, які выставіў канструктыўныя прапановы па пашырэнні мясцовага самакіравання і забеспячэнні абароны правоў усіх украінцаў», — адзначае Белы дом.
«Лідары падкрэслілі, што Расія павінна распачаць неадкладныя канкрэтныя крокі па дээскалацыі сітуацыі ва ўсходняй Украіне, у тым ліку з дапамогай свайго ўплыву на нерэгулярныя войскі ва ўсходняй Украіне, каб прымусіць іх скласці зброю і пакінуць будынкі», — адзначаецца ў паведамленні.
«Прэзідэнт і канцлер дамовіліся, што Злучаныя Штаты і Еўропа гатовыя прыняць далейшыя меры, калі дээскалацыя не адбудзецца ў бліжэйшы час», — адзначана ў паведамленні.
«Лідары таксама паведамілі аб сваёй падтрымцы прэзідэнцкіх выбараў ва Украіне 25 мая», — адзначыў офіс прэс-сакратара Белага дома.
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
-
У Італіі беларуса падазраюць ва ўдзеле ў злачыннай групе
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары