Кандыдат у прэзідэнты, лідар грамадскага руху «Паўднёвы ўсход» Алег Цароў афіцыйна падаў заяву ў Цэнтрвыбаркам аб зняцці сваёй кандыдатуры.
Як паведамілі ў прэс-службе ЦВК, напісаная асабіста Царовым заява аб адмове ўдзельнічаць у выбарах была пададзена ў ЦВК каля 14.00 чацвярга, перадае Інтэрфакс-Украіна.
Яе прынесла упаўнаважаная прадстаўніца.
Як паведамлялася, таксама ад удзелу ў прэзідэнцкай гонцы ў чацвер адмовілася Наталля Каралеўская.
Выбары прэзідэнта Украіны прызначаныя на 25 мая 2014 года.
Згодна з каляндарным планам, 1 мая ў 24.00 мінае тэрмін для падачы заяў кандыдатамі ў прэзідэнты аб зняцці сваёй кандыдатуры з рэгістрацыі.
ЦВК не пазней за 2 мая павінен зацвердзіць форму і тэкст выбарчага бюлетэня па выбарах прэзідэнта Украіны.
Каментары