Паводле міністра ўнутраных спраў Украіны Арсена Авакава, у выніку сутыкненняў і пажару ў Доме прафсаюзаў на Куліковым полі Адэсы загінулі 42 чалавекі, 125 атрымалі цялесныя пашкоджанні і шпіталізаваны. Сярод пацярпелых — 21 праваахоўнік.
Начальнік галоўнага ўпраўлення МУС у Адэскай вобласці вызвалены ад пасады, перадае прэс-служба МУС.
Акрамя таго, у дачыненні да экс-кіраўніка Адэскага ГУМУС распачата службовае расследаванне.
Акрамя таго, па падзеях у Адэсе прызначана службовае расследаванне.
Аваков нагадаў, што 2 мая ў Адэсе на Саборнай плошчы сабраліся фанаты футбольных клубаў «Чарнаморац» (Адэса) і «Металіст» (Харкаў), каб прайсці маршам ў Цэнтральны парк культуры і адпачынку ім. Тараса Шаўчэнкі, дзе на стадыёне «Чарнаморац» меўся адбыцца матч.
Да іх далучыліся звычайныя мінакі.
У руках многіх былі сцягі Украіны, фанаты былі апранутыя ў колеры сваіх каманд.
Як толькі пасля выканання гімна Украіны калона пачала рух, з боку Аляксандраўскага праспекта з'явіліся маладыя людзі ў масках і з бітамі.
Каментары