Камітэт нацыянальнай бяспекі Казахстана затрымаў у горадзе Атырау на захадзе краіны дзесяць чалавек, якіх падазраюць у стварэнні экстрэмісцкай групоўкі і падрыхтоўцы дзяржаўнага перавароту. Пра гэта ведамства паведаміла ў прэс-рэлізе.
Паводле звестак КНБ, удзельнікі аб’яднання планавалі гвалтоўна змяніць канстытуцыйны лад у заходнім рэгіёне краіны. Затрыманні адбыліся 30 кастрычніка пры каардынацыі з органамі пракуратуры ў межах дасудовага расследавання.
Падазраваным ставяць у віну стварэнне экстрэмісцкай групоўкі і кіраўніцтва ёю, удзел у яе дзейнасці, прапаганду тэрарызму і распальванне рэлігійнай варожасці.
Падчас ператрусаў у месцах, дзе жылі затрыманыя, супрацоўнікі КНБ, як сцвярджаецца, канфіскавалі агнястрэльную зброю, наркотыкі, рэлігійную атрыбутыку і літаратуру. Акрамя таго, ведамства паведаміла пра спыненне дзейнасці трох падпольных навучальных цэнтраў для дзяцей і падлеткаў.
Паводле інфармацыі казахстанскага КНБ, некаторыя з затрыманых раней былі судзімыя за тэрарыстычныя і іншыя крымінальныя злачынствы. Іншыя падрабязнасці «ў інтарэсах следства» не раскрываюцца.
У 2025 годзе супрацоўнікі КНБ Казахстана затрымалі пяцярых замежных грамадзян, якія, як сцвярджалася, планавалі тэракт у Алматы. У верасні і кастрычніку таго ж года ў межах крымінальных спраў па падазрэнні ў прапагандзе тэрарызму затрымалі васьмярых грамадзян Казахстана.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў101
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары