Народны дэпутат ад партыі «УДАР» Сяргей Каплін сцвярджае, што сёння на закрытым пасяджэнні Вярхоўнай Рады народныя дэпутаты могуць разгледзець пытанне аб адстаўцы Арсена Авакава з пасады міністра ўнутраных спраў і Аляксандра Турчынава, які з'яўляецца старшынёй парламента, в.а. прэзідэнта і галоўнакамандуючага Узброеных сіл.
«Нам не патрэбен «вядучы» Вярхоўнай Рады, нам патрэбны прэзідэнт краіны, які ўзначаліць антытэрарыстычную кампанію. Прынамсі, я такое пытанне буду падымаць», — сказаў Каплін.
На пытанне, ці будзе закранацца адпаведнае пытанне адносна Авакава, ён сказаў: «Безумоўна. Гэта адна звязка».
Акрамя таго, па словах дэпутата, «калі мы будзем адстаўляць Авакава з Турчынавым, мы будзем адстаўляць Цімашэнку, сёння можа разглядацца адстаўка Цімашэнкі».
Каментары