У вёсцы Лясная Слаўгарадскага (гістарычная назва — Прапойскі) раёна 27 мая перад пахаваннем 82-гадовага мужчыны ў яго хаце спалахнуў пажар. Пацярпелых няма, але пабудова практычна поўнасцю згарэла знутры.
Сваякі, якія хавалі мужчыну, раніцай 27 мая запалілі свечкі каля труны з целам і адправіліся ў суседні дом снедаць. Пакінуты без нагляду агонь і стаў прычынай пажару, мяркуюць ратавальнікі. Людзі, якія вярнуліся і адчынілі дзверы ў дом, ненаўмысна павялічылі прыток паветра, такім чынам актывізаваўшы гарэнне.
Сваякі вынеслі цела памерлага з дома, пасля чаго выклікалі супрацоўнікаў МНС, якія патушылі агонь. У выніку пажару знішчаны дах, веранда і маёмасць, пашкоджаны сцены і перакрыцці.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2
Каментары