23 жніўня гурт «Ляпіс Трубяцкі» ў рамках развітальнага туру «Клоўна няма — Happy End Tour» дасць канцэрт для беларускай публікі ў Вільні.
Выступ адбудзецца на адкрытай пляцоўцы клуба Loftas, разлічанай на 4,5 тысячы гледачоў. Беларусы могуць аформіць бясплатныя візы.
Як і было абвешчана некалькі месяцаў таму, з 1 верасня «Ляпіс Трубяцкі» спыніць сваё існаванне. Тур «Клоўна няма - Happy End Tour» стане самым кароткім у гісторыі гурту — акрамя Вільні калектыў дасць развітальныя выступы толькі ў Маскве, Пецярбургу і Кіеве.
Дзякуючы падтрымцы МЗС Літоўскай Рэспублікі, частка ўваходных білетаў на гэты канцэрт для беларусаў забяспечана бясплатнымі візамі з тэрмінам знаходжання з 22 па 24 жніўня ўключна. Падача дакументаў спрошчаная — даведкі з месца працы / вучобы, пацверджання плацежаздольнасці не патрабуюцца. Падрабязная інфармацыя аб запаўненні анкет і іншых нюансах на сайце www.shabli.by.
Умовы продажу квіткоў — адзін білет на адзін пашпарт. Калі ў вас няма сапраўднай візы, то для куплі квітка вам трэба папярэдне зарэгістравацца на падачу дакументаў у пасольстве Літоўскай Рэспублікі ў Беларусі на даты з 28 ліпеня па 15 жніўня і раздрукаваць пацвярджэнне рэгістрацыі. Новыя месцы на падачу дакументаў з'яўляюцца кожны працоўны дзень.
Кошт квіткоў: 420 тыс. руб.
Продаж квіткоў: з 30 чэрвеня ў офісе агенцтва «Шаблі»: горад Мінск, вуліца Чарвякова 6, 3. Пад'езд, цокальны паверх (з 9:00 да 19:00 гадзін у працоўныя дні).
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары