У Беларусі створаны Рэспубліканскі каардынацыйны савет па рэалізацыі і ўдасканаленні моладзевай кадравай палітыкі, старшынёй якога прызначаны міністр адукацыі Сяргей Маскевіч. Намеснікам старшыні стаў першы сакратар ЦК БРСМ Ігар Бузоўскі.
Пра гэта гаворыцца ў пастанове Савета Міністраў № 661 ад 10 ліпеня і дадатку да яго, паведамілі ў прэс-службе беларускага ўрада.
Таксама ў склад савета увайшлі прадстаўнікі Адміністрацыі прэзідэнта, апарату Саўміна, міністэрстваў адукацыі, працы і сацыяльнай абароны, інфармацыі, сельскай гаспадаркі і харчавання, спорту і турызму, культуры, архітэктуры і будаўніцтва, унутраных спраў, жыллёва-камунальнай гаспадаркі, эканомікі, фінансаў. Увайшлі ў савет і прадстаўнікі Акадэміі кіравання пры прэзідэнце, Нацыянальнай акадэміі навук, Дзяржкамітэта па навуцы і тэхналогіях, мясцовых органаў улады, у тым ліку Мінгарвыканкама.
Рэспубліканскі каардынацыйны савет будзе аналізаваць эфектыўнасць рэалізацыі маладзёжнай кадравай палітыкі і прымаць меры па яе ўдасканаленні.
Таксама новы орган будзе фарміраваць прапановы і рэкамендацыі па мерапрыемствах ў галіне маладзёжнай кадравай палітыкі, па вызначэнні мер яе дзяржпадтрымкі і г.д. Арганізацыйна-тэхнічнае і інфармацыйнае забеспячэнне дзейнасці савета будзе ажыццяўляць Міністэрства адукацыі.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары