Высокапастаўленыя чыноўнікі амерыканскай выведкі заявілі, што Расея нясе адказнасць за «стварэнне ўмоваў», якія прывялі да збівання «Боінга-777» малайзійскіх авіяліній, аднак не прывялі ніякіх доказаў прамога ўдзелу Расеі ў гэтым.
Як паведамляе агенцтва AP, прадстаўнікі амерыканскай выведкі былі асцярожныя ў сваіх ацэнках. Яны адзначылі, што, нягледзячы на тое, што Расія ўзбройвае сепаратыстаў на ўсходзе Украіны, ЗША не маюць прамых доказаў таго, што ракета, якой збілі пасажырскі самалёт, прыбыла з Расіі.
Самалёт быў, імаверна, збіты ракетай зямля-паветра з комплексу «Бук», выпушчанай сепаратыстамі, якіх падтрымлівае Расія. Выведка спасылаецца на перахопы перамоваў, спадарожнікавыя фатаграфіі і паведамленні ў сацсетках баевікоў, сапраўднасць якіх правяралі амерыканскія спецыялісты.
Па словах чыноўнікаў, найбольш верагоднае тлумачэнне таго, чаму самалёт быў збіты — памылка баевікоў, якія прынялі грамадзянскі самалёт за вайсковы. Амерыканская разведка адзначае, што перад тым сепаратысты збілі 12 украінскіх лятальных апаратаў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары