Віцэ-прэм’ер РФ Дзмітрый Рагозін паспрабаваў у сваім твітары «падкалоць» палякаў, якія правялі акцыю «Еш яблыкі на злосць Пуціну».
У адказ на забарону Рассельгаснагляду імпартаваць у Расію польскую садавіну і гародніну палякі размяшчаюць у сацсетках фоты, на якіх яны ядуць забароненую да імпарту ў РФ прадукцыю.
«Палякі на злосць Пуціну вырашылі «есці яблыкі і піць сідр». Можа, ім яшчэ гарох забараніць імпартаваць?)», — напісаў 7 жніўня Дзмітрый Рагозін у сваім Twitter.
Але ж расійскага чыноўніка падвялі веды эканамічных паняццяў.
Бо, калі забараніць палякам імпартаваць гарох, дык расейцам прыйдзецца тады есці яго самім: імпарт гэта ўвоз замежнага тавару ў сваю краіну.
Таму дакладна невядома, што меў на ўвазе Рагозін. Можа ён сапраўды збіраўся пакінуць Польшу без расійскага гароху, а можа разам з дэманстрацыяй свайго, мякка кажучы дзіўнага для дзяржслужачага, пачуцця гумару, выпадкова прадэманстраваў і адсутнасць элементарных ведаў у эканоміцы.
Дарэчы, гэта ўжо не першы правакацыйны твіт расійскага віцэ-прэм’ера.
У маі гэтага года Румынія забараніла выкарыстоўваць яе паветраную прастору для пералёту Рагозіна, які знаходзіўся з прыватным візітам у Прыднястроўі, ў Маскву. У адказ на гэта чыноўнік у сваім твітары паабяцаў румынам вярнуцца ў рэгіён на борце стратэгічнага бамбардзіроўшчыка Ту-160.
Нагадаем, што Рагозін мае ступень доктара філасофскіх навук. У сакавіку гэтага года ён разам з шэрагам расійскіх палітыкаў трапіў пад санкцыі, якія прадугледжваюць забарону на ўезд у ЗША, Канаду, краіны ЕС і Аўстралію, а таксама арышт актываў, якія знаходзяцца на тэрыторыях гэтых краін.
Апытанка
Цяпер чытаюць
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме2
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары