Як паведамляе УУС Віцебскага аблвыканкама, 18 жніўня ў 15 гадзін у даведачную службу «109» Віцебскага філіяла РУП «Белтэлекам» паступіў тэлефонны званок ад неўстаноўленага мужчыны пра тое, што каля сталовай № 30 ААТ «Вітміл», размешчанай па вул. Леніна, 59 у горадзе Віцебску, адбудзецца выбух.
На працягу найкарацейшага часу са сталовай была праведзена эвакуацыя 65 чалавек.
Сапёрна-піратэхнічная група старанна абследавала памяшканне сталовай і прылеглую тэрыторыю. Выбуховых прылад і выбухованебяспечных прадметаў не выяўлена.
Супрацоўнікамі Чыгуначнага РАУС на працягу гадзіны мужчына, што тэлефанаваў, быў выяўлены. Ім аказаўся непрацуючы жыхар Віцебска 1956 года нараджэння. Па дадзеным факце праводзіцца праверка. Высвятляюцца матэрыяльныя затраты выбылых на месца здарэння службаў.
Каментары