Учорашні мегазатор быў звязаны з карамболем у раёне вуліцы Прытыцкага.
Як паведамілі ў ДАІ, у 12:40 у сярэднім шэрагу вонкавага кола дарогі недалёка ад скрыжавання з вуліцай Прытыцкага сутыкнуліся МАЗ і «Фальксваген». Як мяркуе інспектар, што афармляў здарэнне, прычынай было нетрыманне бяспечнай дыстанцыі. Цягам наступных секундаў адна за адной сутыкнуліся яшчэ чатыры машыны.
BMW, Chrysler і Nissan, якія ехалі ў трэцяй паласе, паспелі знізіць хуткасць, а Volkswagen за імі, — не. Ён «сабраў» усе машыны. Найбольш пацярпеў Nissan, які атрымаў магутны ўдар у зад. Ён разбіты ўшчэнт, але, на шчасце, людзі не пацярпелі.
Каментары